Vísir Fréttir Lífið Íþróttir Viðskipti Sjónvarp Útvarp Fréttablaðið
BlogCentral.is Innskráning Nýskráning

Þar sem rassinn situr, þar er heimili.

Verið velkomin(n).

26.01.2009 00:05:29 / jana

Lokin.

Vá hvað það er langt síðan ég skrifaði síðast hérna inná! Það er svo mikið búið að gerast síðan að ég veit ekki hvar ég á byrja....
Áramótin komu og var þeim fagnað með mikið og góðu fólki. Við skiptum okkur og borðum með öllum heima hjá mömmu og pabba. Horfðum svo á skaupið hjá Höllu og Magga og skutum upp þar með öllum á þeim bænum.
Ég fékk út úr prófunum og gekk mér bara mjög vel og gæti ekki verið sáttari.
Skólinn byrjaði aftur. Gengur vel enn sem komið er, ég vona að þetta takist hjá mér.
Gæslan ætlaði að segja upp. Við fengum þá kröftugt spark í rassinn um að við værum kannski ekki svo save eftir allt. En uppsögnum var frestað áður en við vissum nokkuð.
Styttist óðum í krílið og mikið er um allskyns námskeið og skoðanir núna sem tengjast fæðingunni.
Gummi fór á sjó og kemur senn heim.
Mamma mín greindist aftur með krabbamein. Fór í stóra og mikla aðgerð í síðustu viku.

Ég ætla svo sem ekkrt meira í saumana hér á öllu þessu. Ég hugsa að ég hætti með þessa síðu og hafi einungis síðu fyrir krílið. Slóðin er: http://www.nino.is/6402
Ég sendi nánustu lykilorðið á næstu dögum, aðrir sem fá það ekki sent en vilja aðgang geta sent mér póst á kbv86@hotmail.com eða Gumma á grm@lhg.is.

» 3 hafa sagt sína skoðun

28.12.2008 16:04:59 / jana

Á milli.

Gleðileg jól öll sömul. Þá erum við stödd á milli jóla og nýárs. Við erum búin að hafa það virkilega gott. Takk fyrir jólakveðjurnar þið sem senduð okkur kort;) Mjög gaman af þeim.

Bumban mín stækkar og ég er gengin 31. viku sem sé ekki nema ca. 9vikur eftir.

Ég gengin 13 vikur.


Ég gengin 22. vikur.


Og hér er ég gengin 31. viku. Búið að vera svo mikið að gera upp á síðkastið að vikulega myndatakan hefur gleymst í 3vikur.


Ég gerði annál 2008 og setti hér til hliðar. Ykkur er velkomið að lesa hann ef þið viljið.

Hafið það gott. Kveðja, Kristjana.

» 4 hafa sagt sína skoðun

04.12.2008 19:28:19 / jana

Ytri vörpun?

Þá eru prófin gengin í garð. Ég fór í mitt fyrsta í morgun og gekk mér alveg ágætlega bara. Ég er allvega spennt að fá lokútkomuna úr þessum áfanga. Næsta próf er á miðvikudaginn og loks er síðasta prófið á föstudaginn í næstu viku og þá er þessu lokið og ég komin í jólafrí. 12.des! Nananana búbú:haha: Haha! Sorry, er bara svo ánægð með það. Hef hellings tíma í að jólastússast og njóta þess að hlakka til jólanna og eyða þeim með fjölskyldunni.
Við Gummi höfum ákveðið að vera tvö heima á aðfangadagskvöld. Við erum alveg rosalega spennt fyrir því. Við ætlum að prófa að hafa rjúpu svona til málamiðlana. Við ætlum líka í kirkju, prufa stóra og mikla jólamessu. Svo höfum við það bara kósý og opnum pakka, fáum okkur góðan eftirrétt, horfum jafnvel á jólamynd eða bara gerum það sem okkur dettur í hug. Við erum jú að fara að skapa okkar hefð(ir). Við hlökkum mjög mikið til.

Ég borðaði í gær á vegmótum. Get ekki sagt að ég hafi verið spennt fyrir því en ákvað að gefa því séns því allir aðrir í læruhópnum vildu fara þangað. Ég get sko sagt ykkur það að því sé ég ekki eftir! Maturinn sem ég fékk var með þeim betri sem ég hef smakkað, umm umm! Ég er orðin heit fyrir því að fara þangað aftur og er farin að sleikja út um, nú þegar ég skrifa þetta og rifja bragðið upp;)

Búið er að setja upp aðventuljós og krans á þessu heimili og er skröggur hérna að íhuga jafnvel að setja jólaséríurnar um helgina. Ég tek því þó með fyrirvara enda er það mjög ólíkt honum að vilja hafa þetta uppi á afmælinu sínu. En ég er sátt við aðventuljósin fram að 16.des þau eru alveg rosa kósý líka ein og sér.

Ég er búin að ákveða að ég ætla í fullt nám eftir áramót og er næstum búin að ákveða að taka helminginn í fjarnámi og hinn helminginn í staðnámi. Þetta er þó allt í vinnslu í hausnum mínum.

Við fórum í mæðraskoðun 3 um daginn. Það leit allt ljómandi út. Kúlan aðeins yfir kúrfunni en ekkert óeðlilegt. Það styttist nú bara í næstu skoðun en hún er eftir slétta viku.

Set inn eina mynd. Komin á þriðja þriðjung meðgöngunnar loksins.

» 7 hafa sagt sína skoðun

16.11.2008 19:54:28 / jana

Margt og mikið!

Kannski kominn tími á eitt stykki blogg. Af mér og okkur er allt gott að frétta. Það er brjálað að gera í skólanum svona korter fyrir próf en það er nú ekkert nýtt. Þó að þetta sé nú þreytandi til lengdar þá þrífst ég nú samt á svona stressi og finnst oft gott að hafa svo mikið að gera að ég gleymi að borða eða þið skiljið hvað ég meina. En öllu má nú of gera og ég er orðin frekar þreytt. Ég er nú samt svo heppin að þrisvar í viku þá fer í jóga til að slappa af í eina og hálfa klukkustund í senn. Mér finnst þessir tímar æðislegir og held án efa að þeir eigi eftir að hjálpa mér þegar að fæðingunni kemur. Aðalega er lögð áhersla á öndun og slökun og þó manni finnist það kannski heldur cheap að þá hjálpar það heilan helling. Mæli eindregið með þessu.

Skellti mér á styrktartónleika á fimmtudagskvöldið með Thelmu. Þetta voru æðislegir tónleikar og skemmti ég mér mjög vel. Við Gummi fórum svo á samstöðu tónleikana í laugardalshöllinni í gær og voru þeir frábærir. Bestir voru án efa stuðmenn með flottu flugferðina sína en fm-belfast voru líka mjög góð.

Yfir í óléttu mál.
Ég er að íhuga að reyna við fullt nám eftir áramót. Ég hugsa að ég skrái mig í fjarnám en ætla að samt að mæta með staðnáminu meðan ég get. Ég komast að því að vettvangsnámið byrjar snemma þessa önn og því verður lokið 20.febrúar. Ef ég verð hress og næ að klára það almennilega að þá er ég nokkuð viss um að þetta takist. Ég vona allvega það besta:d

Við sóttum um íbúðarskipti hjá BN en fengum neitun sem er frekar fúlt. Ég er samt fengin að vera búin að fá þetta á hreint, leiðinlegt að hafa kannski-flutninga hangandi yfir sér. Við tökum bara pollyönnu á þetta og erum jákvæð. Gummi verður í 6mánuði í fæðingarorlofi svo við verðum alltaf tvö hérna fram í ágúst. Við vinnum því bara í handarvöðunum og berum síðan vagninn upp og niður. Við eigum kost á að sækja aftur um flutning í júlí því þá er aðalúthlutunar tímabilið hjá BN og geri ég ráð fyrir að við gerum það.

Eigum tíma í mæðraskoðun á fimmtudaginn, loksins! Búin að bíða lengi eftir honum enda fórum við síðast fyrir 9vikum síðan. Hér eftir förum við svo á þriggja vikna fresti sem mér finnst gaman enda elska ég að heyra þennan hjartslátt:p

Það er allt í belg og biðu í hausnum á mér, ég er búin að skrifa slatta en ætlaði að skrifa svo mikið meira. Það kemur vonandi síðar.

Ein mynd í lokin.


Kristjana.

» 5 hafa sagt sína skoðun

27.10.2008 20:08:48 / jana

Vettvangsnámið mikla.

Þá er vettvangsnáminu ógurlega lokið! Ég mætti mánudaginn 13.okt með hjartað í buxunum kl 08.00 inn í stofu 11 tilbúin ( eða ekki andlega séð) að kenna 17stykkjum af 7ára krökkum. En það er skemmst að segja frá því að tíminn gekk mjög vel og næstu tímar líka og áður en ég vissi af var dagurinn búinn. Eftir að fyrsti dagurinn var búin var þetta hreint ekkert svo ógurlegt lengur heldur þvert á móti. Þessar vikur voru æðislega skemmtilegar og lærdómsríkar. Ég ætla samt alls ekki af skafa af því að þetta var líka fokk erfitt!! En ég veit núna að þetta er sko 120% það sem mig langar til að vinna við og sé sko alls ekki eftir þeirri ákvörðun að hafa farið í Kennó:d

Ég lenti í svakalegum bardaga við tvær fiskiflugur áðan... já I know! Hvað voru þær að gera hérna í lok október? Undarlegt. Allavega þá var ég að reyna að læra og þær voru alltaf að fljúga utan í mér með óþolandi suðið sitt, ég fór því að leita af flugnabananeitri og fann inn í geymslu. Ég ákvað því næst að fara inn í herbergi og spreyja vel í dyrakarminn, þær auðvitað eins vitlausar og þær eru gengu í gildruna og flugu inn í herbergi þar sem þær dóu stuttu síðar. Þá gat ég haldið áfram að læra. En svona um leið og ég er að skrifa þetta þá finn ég fyrir svoddan samviskubiti yfir þessari meðferð á þeim:$

En meðgangan gengur vel. Sunnudaginn 19.október fann ég fyrstu hreyfingarnar rétt fyrir svefninn. Ég gat ekki hætt að brosa og er þetta án efa eitt yndislegasta augnablik sem ég hef upplifað:) Ég var svo ánægð með þetta að ég hlakkaði helling til alla vikuna á eftir að fara að sofa vegna þess að þá finn ég aðalega fyrir hreyfingum. Gummi reyndi alla vikuna að finna líka en ekkert gekk fyrr en í gær sem sé viku seinna þá voru spörkin mjög kröftug og fundust vel. Við lágum heillengi í skýjunum yfir þessu og sofnuðum seint og um síðir. Ég finn frá degi til dags hvernig spörkin verða kröftugri og nú síðustu tvo daga er krílið einnig farið að gera smá vart við sig á daginn.

Bumban stækkar hægt en stækkar þó. Ætla að láta tvær myndir fylgja með sem teknar voru þegar ég er gengin 22vikur og 2daga svo ég haldi áfram að vera nákvæm.
Öll ég.


Bara bumban.


Hef ekki frá fleiru að segja í bili.
Kristjana.

» 4 hafa sagt sína skoðun

12.10.2008 18:09:29 / jana

Kvíði, meðgangan og bústaður.

Þá er enn einu sinni kominn sunnudagur. Það sem er öðrvísi við þennan sunnudag er að hann felur í sér kvíða, hræðslu og stress fyrir mér. Ég er að fara yfir um fyrir vettvangsnáminu á morgun, samt hef ég skipulagt daginn í þaula þannig að ekkert ætti að geta farið úrskeiðis. Úff! Hlakka til að lesa næstu færslu eftir þessa til að vita hvernig allt fór og hvernig gekk!

Við fórum í 20.vikna sónarinn á föstudaginn og það var alveg hreint æðislegt:d Við vorum alveg í skýjunum, allt leit eðlilega út og krílið var í fullu fjöri. Mér líður alveg ljómandi vel fyrir utan leiðinda bakverki og svo vil ég að barnið fari að hreyfa sig þannig að ég finni það. Fylgjan er framan á svo það getur tekið smá tíma í að ég fari að finna eitthvað. Settur dagur heldur sér og er ég því gengin í dag 20vikur og 1dag til að vera nákvæm.

Hér er mynd af 20vikna kríli að heilsa:d


Allavega, þá vorum við að koma úr bústað. Skelltum okkur seinni partinn á föstudaginn tvö saman í bústað við Laugarvatn og höfðum það notalegt og gott. Fórum í göngu, að sjálfsögðu kíktum við á Geysi eins og sönnum íslendingum sæmir, grilluðum góðan mat og slöppuðum af í heitum potti. Gæti það orðið mikið betra.

Komið nóg í bili. Ætla að halda áfram að með neglurnar af stressi þó þær séu að vera búnar!!

Kristjana bumbulína og líkar það vel;)

» 4 hafa sagt sína skoðun

03.10.2008 17:10:16 / jana

19 vikur!

Þessi mynd var tekin þegar ég var gengin 13vikur.


Mér fannst bumban ekkert vera að stækka en þegar við tókum nýja mynd í sama bol sá ég greinilegan mun. Þessi mynd hér að neðan er tekin þegar ég var gengin 18vikur og 4daga.


Ég er bara rosalega ánægð með bumbuna mína og er að fíla hana meira og meira með hverjum deginum.

Ég er engar hreyfingar farin finna sem mér þykir frekar leiðinlegt en það hlýtur að fara að koma fljótlega. Nú er aðeins vika í 20vikna sónarinn og erum við bæði spennt og kvíðin fyrir. Hlökkum til að sjá krílið og erum smá kvíðin fyrir að vita hvort það sé ekki allt í lagi enþá. En nóg komið af óléttumálum í bili.

Ég held ég sé að fá magasár af kvíða. Það er nú ekki eðlilegt að kvíða svona fyrir vettvangsnámi en ég er bara skíthrædd við þetta!! Nú erum við 4 stúlkur saman í skóla og eigum allar að kenna 2.bekk (sem sé einn 2.bekkur á mann, þeir eru 4) við bjuggum til kennsluáætlun saman sem er nú eiginlega fullgerð en ég er samt með í maganum að eiga að kenna heilum bekk alein í tvær heilar vikur! Það sem mér lýst illa á er að kennarinn er í stofunni allan tímann, aftast, að dæma mig! Veit að dæmið er ekki hugsað þannig en það virkar taugatrekkjandi á mig og ég verð ósjálfrátt stressuð. Úff púff! En ég ætla að henda mér í djúpulaugina og gera þetta. En ég byrja 13.okt og verð til 24.okt.

Kristjana bumba.

» 7 hafa sagt sína skoðun

24.09.2008 22:25:11 / jana

Hlakka til.

Ég er farin að hlakka til jólanna! Ég elska jólin og allt í kringum þau. Það sakar nú ekki að þetta árið fæ ég extra langt jólafrí, ég fæ heilan mánuð!! Hef aldrei fengið svo langt jólafrí áður. Síðasta prófið er 13.des og skólinn byrjar aftur 14.jan:d En það er nú enþá hátt í 3mánuðir í þetta svo ég ætla að hugsa um eitthvað annað.

Það er alltaf nóg að gera í skólanum. Verkefni eftir verkefni og svo styttist óðum í vettvangsnámið sem ég er orðin nett stressuð fyrir! Á að kenna öðrum bekk í tvær heilar vikur...úff..! Það verður nú eitthvað skrautlegt en alveg örugglega skemmtilegt og lærdómsríkt.

Ljósmæður tóku miðlögunartillögunni svo við komumst í mæðraskoðun síðasta föstudag. Ljósan fór yfir niðurstöður hnakkaþykktarmælingunnar og blóðsýnanna minna og kom allt svona líka ljómandi vel út:d Ég fékk að vita að ég er í blóðflokknum B+ sem er fínt að vita. Við fengum svo að heyra hjartsláttinn hjá krílinu sem var alveg hreint æðislegt og vorum við bæði alveg dolfalinn yfir honum. Nú bíðum við eftir 20vikna sónarnum og erum sko farin að telja niður...16dagar!

Ég set ekki inn sónarmyndir strax því það er eitthvað vesen á skannanum í kennó og við eigum ekki skanna sjálf. Ég gæti tekið uppá því að láta eina bumbumynd fljótlega inn ef ég fer í það að taka myndir.

Kristjana.

» 5 hafa sagt sína skoðun

11.09.2008 18:39:07 / jana

Þvotta-þurrkara-skrímsli og fleira.

Ég horfði í fyrsta skipti á ævi minni á heilan fótboltaleik í gær nokkuð stolt bara. Ég held samt að ég leggi ekkert í það aftur í bráð þetta er nóg í bili. Hefði samt viljað að Ísland hefði unnið.

Ég hef nú ekki mikið tískuvit og klæðist yfirleitt þeim flíkum sem mér finnst fallegar og reyni að láta þær passa sem best saman. Mér finnst t.d. skór skipta miklu máli og það er með því fyrsta sem ég tek eftir þega ég horfi á fólk. Fyrir mér eru skór punkturinn yfir i-ið þegar heildar lúkkið er skoðað. Allavega til er fólk sem pælir ekkert í lúkki skónna heldur aðeins þægindunum, ég tek það fram að ég geri það líka ef um vinnu er að ræða eða eitthvað þannig en ekki þegar kemur af bíó, verslunarferð, djammi eða þannig hlutum, þetta fólk klæðist m.a. crocs skóm þið vitið klossunum úr plastinu eða hvaða efni þetta nú er í öllum regnbogans litum með fullt af loft götum og oftar en ekki með einhverjum fígúra spennum á. En svona til að bæta gráu ofan á svart fyrir mér og eflaust setur punktinn yfir i-ið hjá öðrum þá hafa crocs menn ákveðið að gera veski í stíl! NO COMMENT!!!
Hér er ég með mynd af gripnum.

En svona er fólk með misjafnan smekk sem betur fer því annars væru allir eins og það væri nú ekki gaman af því:d Mér finnst crocs skórnir reyndar mjög hentugir inniskór fyrir börn þæginlegir og sætir svona bleikir með prinsessu spennum, bláir með bílaspennum á eða hvernig litur sem er með hvernig spennum sem er.

Ég held að þvottavéla-þurkkarinn okkar éti sokka, það hlýtur bara að vera. Ég get enga ástæðu fundið fyrir því afhverju það kemur oftar en ekki sokkur úr vél sem á sér engan samstæðan! Undarlegt mál:$

Við áttum tíma í mæðraskoðun númer 2 á morgun en það verður auðvitað ekkert af þeim tíma sökum verkfalls. Afhverju er ekki hægt að borga ljósunum það sem þær eiga skilið!! Þær fara ekki af sínum kröfum enda engin ástæða til þess og hví þá að vera að draga þetta! Ljósan okkar hringir á mánudaginn og finnur annan tíma fyrir okkur vonandi sem fyrst. Er farin að hlakka til að heyra í litla hjartanu:d

Jæja ég er farin að gera eitthvað að viti, Kristjana.


» 5 hafa sagt sína skoðun

03.09.2008 15:33:56 / jana

Allt og ekkert!

Ég fór á mamma mía á sunnudaginn í bíó og skemmti mér konuglega. Mér fannst hún allavega mjög góð og skemmtileg söngvamynd. Átti bara bágt með að syngja ekki með hverju einasta lagi:)

Nú er alvaran tekin við í skólanum. Ekkert nema verkefni framundan og eins og vanalega vex þetta manni alveg helling í augum þegar allar kennsluáætlanir hljóða uppá 5 verkefni eða meira í hverju fagi!! Úff, úff! En þetta byrjar nú alltaf svona og svo einhvern veginn kemst maður alltaf í gegnum þetta og hlutirnir virðast bara reddast og gerast. Svo endar maður með fínar einkunnir í lokin og hálf gáttaður á því hvernig manni eiginlega tókst þetta:d Þó svo að ég sé eitthvað aðeins að stressa mig yfir þessu núna að þá held ég líka að veturinn verði skemmtilegur og hlakka ég lúmskt til að takast á við þetta allt saman. Einn áfanginn byrjar bara strax á stóru verkefni sem felst í því að taka upp samræðu við 2-6ára barn og vinna svo úr því, hljómar vel nema hvað að ég þekki ekkert barn á þessum aldri nema Finn minn en það er hálfómögulegt að taka hann upp frá Danmörku:s Ef einhver veit um barn sem ég mætti mögulega taka upp þá endilega bjallið í mig! Ég ætti kannski að taka það fram að samræðurnar eru alls ekki persónulegar heldur bara um mat, bók, leiksólann eða hvað annað sem fær barnið til að tjá sig.

En fyrst ég er byrjuð að blogga og geri ekki endilega ráð fyrir að ég geri það aftur í bráð þá vil ég bæta því við að við eigum von á barni í byrjum mars. Það eru nú fáir sem kíkja á þessa síðu sem ekki voru búnir að frétta það en kannski einhver. Það gengur bara allt voða vel, engin ógleði né nein einkenni yfir höfuð. Við erum búin að fara í mæðraskoðun og gekk hún vel, við erum einnig búin að fara í 12.vikna sónar sem var alveg hreint æðislegur og krílið var alveg á fullu og lék á alls oddi eftir að ljósan hristi það til:þ Það er mjög lítið farið að sjást á mér en þó eitthvað smá en ég er komin 14 og hálfa viku á leið svo það styttist í að hún stækki. Nú er bara að bíða eftir næstu mæðraskoðun sem við eigum tíma í þann 12.sept ef það verður þá búið að semja við ljósurnar.

Við höfðum hugsað okkur að gera síðu fyrir krílið en það liggur sko ekkert á því enda kemur það ekki strax í heiminn. En ég held að ég muni koma með fréttir af mér, okkur og meðgöngunni reglulega hér og þá kannski læt ég fylgja með annað slagið bumbu- og sónarmyndir.

Kristjana.

» 4 hafa sagt sína skoðun

27.08.2008 23:48:06 / jana

Sæl.

Mikið hrikalega er ég löt við að skrifa hérna en ætli það breytist ekki í vetur þegar skólinn byrjar og ég hef meiri tíma. Allavega þá er ég komin heim frá Tenerife eftir tveggja vikna æðislega dvöl þar. Veðrið var alveg yndislegt og fannst mér æði að vakna og skella mér svo í sólbað næstu tímana, algjörlega mín hugmynd af góðu sólarlanda fríi;) En það var nú ekki allt sem við gerðum við versluðum, fórum í go-kart, míni golf, í dýragarð, á markað, á ströndina, út að borða, á allskyns show á hótelinu, á "laugarveginn" að rölta um og fleira. Við erum allavega mjög sátt og sæl og tilbúin brún og sæt í komandi vetur. Læt nokkrar myndir fylgja með.

Við Gummi í sólbaði.


Við Gummi í tveggjahæðarútu á leið í frumskógardýragarðinn.


Ég ný komin af "laugarvegslabbi".


Gummi í frumskógnum;)


Nú eru einungis 5dagar í skólann og er ég farin að hlakka mikið til, það verður gaman að hitta alla aftur og komast í rútínu og svona. Af áfangalýsingunum að dæma þá stefnir í skemmtilegan en krefjandi vetur sem er alveg frábært bara.

Fórum áðan að taka á móti handboltastrákunum á Arnarhóli og þvílíka stemmingin og upplifunin:d Það var fínt veður og rosa gaman. Mér var orðið illt í höndunum af klappi og í kinnbeinunum af brosi en það er gott mál því ég er stolt af þeim!

» 5 hafa sagt sína skoðun

18.07.2008 19:37:40 / jana

Drit rit

Ætli það sé ekki best að reyna að rita eitthvað hérna niður. Það gerist bara svo lítið á sumrin eitthvað að ég hef litlu að segja frá. Ég vinn frá 08.30-15.30 fer svo heim í sólbað eða í kringluna eða e-ð og svo á kvöldin horfi ég yfirleitt á sjónvarpið og fer svo að sofa. Þannig er nú það!
Vöknuðum upp einn morgunin klukkan 07.00 við svona ekta vekjaraklukku hljóð þið vitið dídídídí...dídídídí...dídídídí æ vitið þið? Allavega þá var það ekki okkar klukka þar sem við vöknum við símann kl 08.00. Við vorum frekar hissa og fórum að athuga hvort þetta hljóð væri í alvöru að koma úr okkar herbergi en NEI það var það sko sannarlega ekki!! Hún var að hringja úr íbúðinni fyrir neðan okkur. Það var alveg logn og vel opnir gluggar hjá okkur og þeim svo við heyrðum hljóðið mjög vel og var það að pirra okkur næsta hálftímann vegna þess að þá hættir klukkan sjálfkrafa að hringja, það var sem sé enginn heima hér fyrir neðan þennan morguninn:!: Oj hvað ég var pirruð en þetta var í síðustu viku svo ég er ekki enþá pirruð.
Prinsessan hjá Gumma og Hildi var skírð og fékk nafn en hún heitir því fallega og mikla nafni Magnþóra. Alveg æðisleg veisla en ég komst því miður ekki í athöfnina því ég var að vinna.
Föstudagur í dag! Ég er ánægð með það, það þýðir að ég eigi tvo daga í frí og það er nice;) Reyndar á ég mjög fáa vinnudaga eftir eða bara 10vinnudaga og svo fer ég í sumarfrí í mánuð! Vá hvað ég hlakka til hef ekki farið í sumafrí í mörg ár, en við ætlum að eyða tveim vikum af þessum fjórum á Tene en það styttist óðum í þá ferð.

En ekkert meira í bili að segja frá.
Góða helgi.

» 4 hafa sagt sína skoðun

08.07.2008 16:22:04 / jana

Update!!

Jæja er ekki best að skella einni færslu hérna inná. Er samt svo rosalega löt við þetta á sumrin. En það er margt búið að gerast síðan síðast.
Ég átti afmæli þann 23.júní og var dagurinn mjög fínn þó svo að það hafi verið vinnu dagur. Ég var þó búin að halda smá heimboð á laugardeginum áður sem var skemmtilegt.  
Helgina 27.júní - 29.júní var svo Sólseturshátíð í Garðinum við Gummi kíktum þangað í rokið. Hátíðin var fín og skemmtileg en það hefði mátt vera aðeins minna rok.
Þann 30.júní eignaðist ég frænku, Hildur og Gummi eiga hana, hún er algjört krútt og alveg pínulítil.
Danmerkur fólkið mitt kom loksins á klakann og fékk ég loks að sjá Mikael Árna í eigin persónu. Þau eru öll svo frábær og er æðislegt að þau skulu vera hérna hjá okkur í smá tíma.
Við fórum á ættarmót hjá fjölskyldunni hans Magga síðustu helgi það var haldið á Borgarfirði Eystri hefðum ekki getað ferðast lengri leið þó við vildum. Við lengdum helgina svo þetta yrði ekki eins langt að fara og tókum okkur pásu og gistum bæði leiðinni þangað og aftur heim. En langa-helgin í heild sinni var mjög góð og skemmtileg í alla staði.

Sumarið hingað til er búið að vera hreint og beint æðislegt! Ég er að vinna úti alla daga og við höfum aðeins fengið einn rigninga dag en það var bara fyrir hádeigi. Þið ættuð bara að sjá að mig það hefur aldeilis bæst í freknusafnið og ég er meira að segja með komin með brúna handleggi og handabak:d Alveg himinlifandi yfir þessu.

Síðan er það bara Tene eftir 35 daga!!

Ég hef ekki frá miklu meira að segja að sinni, þangað til næst verið hress:haha:

» 5 hafa sagt sína skoðun

12.06.2008 18:28:40 / jana

Hæ hó hæ hó....

Við höldum út í skóg...!!! ( Kannski beð í mínu tilviki) Þá er ég byrjuð í vinnunni búin að vera síðan á mánudaginn. Byrjaði fyrstu tvo dagana sem afleysingaleiðbeinandi og átti að vera í allt sumar en það snýst sem sé bara um að leysa af út um alla borg og ef svo ólíklega vildi til að einhver væri ekki lasin eða í fríi þá átti ég bara að vera með einhverjum öðrum og hjálpa. En allavega svo hætti einn leiðbeinandi á þriðjudaginn svo ég fékk hópinn hans og verð með þann hóp í allt sumar. Ég er með 8 krakka sem voru að klára 10.bekk, alveg ofurhress og skemmtileg.....en samt húðlöt ef ég stend ekki yfir þeim og segi þeim að halda áfram!!! Harðstjórinn ÉG!! Veðrið er búið að vera æði og það er það sem gerir þetta starf svo æðislegt:) Vona bara að það verða fleiri sólríkir dagar en rignigadagar! Ég er alveg skaðbrennd í framan og í hársverðinum eftri daginn í gær og í dag, er eins og karfi í framan alveg súper flott:$

Afmæli Garðs næstu helgi. Ég hugsa að ég kíki út í Garð en mér skilst að það sé e-ð lítið að gerast í tilefni þessa afmælis annað en einhverjar listasýningar. Það verður þá vonandi smá afmælisbragur yfir sólseturshátíðinni en ég læt mig nú ekki vanta þangað og það styttist óðum í hana. Ef einhver er til í gera e-ð um helgina þá er ég game enda alein(hehe rímar!) eða jú nó Gummi minn á sjónum núna.

Ég hef ekki mikið meira í fréttum að sinni.
11 dagar í afmælið mitt.
61 dagur í Tenerife8)

» 5 hafa sagt sína skoðun

06.06.2008 17:20:44 / jana

Löngu kominn.

Heil og sæl!
Loksins kominn föstudagur... búin að bíða hans spennt síðan á mánudaginn. Það er nú heldur betur mikið búið að gerast síðan síðast. Byrjum á byrjuninni.

Minn heitt elskaði unnusti útskrifaðist frá Fjöltækniskóla Íslands með stúdentspróf og skipstjórnarréttindi 4.stigs. Hann var sá eini af stýrimönnunum sem gerði það og er ég auðvitað þvílíkt montin og stolt af honum. Það var haldin þessa fína veisla á Garðbrautinni sem heppnaðist vel. Nú er kallinn bara kominn á vinnu markaðinn for good:) Set nokkrar myndir með í ganni.

Við hjúin.


Sigurlaug, Baldur Logi og Kristín mætt.


Smá Þórdís, Gummi og Sæþór að borða.


Sæþór, Gummi að opna pakka, Stína, Finnur með hendina fyrir pabba og Sigrún og Hugrún fyrir aftan.


Komið var enn eina ferðina að júróvísjón og var það kvöld svo skemmtilegt að það verður lengi í minni haft. Það byrjaði rólega. Ég, Kristín og Gústi horfðum á keppnina sjálfa í rólegheitunum og síðan skelltum við Kristín okkur í kveðju-útskriftar-júrópartý hjá Röggu og Steinunni þar hittum við stúlkur sem við höfðum ekki hitt lengi og skemmtum okkur konuglega. Kíktum niðrí bæ og spjölluðum við ansi marga og fórum svo heim á leið heldur seint þar sem prinsessan á vellinum sefur ekkert alltof lengi á morgnana svo við vorum vöknuð fljótlega eftir að við sofnuðum;) Set tvær myndir með. (teknar frá Steinunni)

Ég og Stína hressar:haha:

 
Við stúlkurnar á leið niðrí bæ.


Ég átti hið ljúfa líf og var í fríi frá 16.maí til 2.júní. Það var langþráð og æðislegt. Ég eyddi mikið af tímanum út í Garði með yndislegu fjölskyldunni minni. Ég fór með mömmu í geisla einn daginn til að sjá hvernig þetta er allt saman. Ég hafði allt öðruvísi mynd af þessu í huganum en þetta er í raun og er því mjög fegin að hafa fengið að fara með henni og sjá þetta sjálf.

Sjómannadagurinn var síðustu helgi og að sjálfsögðu tókum við Gummi þátt í honum eins og sjómannsfólki sæmir. Gummi var vaknaður fyrir allar aldir til að taka þátt í messu og heiðursverði með Gæslunni en ég lét mér nægja að fara eftir hádeigi og vera með í hátíðarhöldunum á bryggjunni.

Ég byrjaði að vinna 2.júní við afgreiðslu póstsins í Pósthússtræti. Það er skemmst að segja frá því að ég er ekki að vinna þar lengur. En það er önnur saga. Ég byrjaði í gær að vinna hjá vinnuskóla Reykjavíkur en það voru námskeið í gær og í dag og síðan byrjar hann á fullu á mánudaginn og þá byrja krakkarnir líka. Ég hlakka mikið til að byrja og held að það verði alveg svakalega gaman:haha: Nóg af útivist, frábær vinnutími og hin fínustu laun.

Síðast en ekki síst þá fékk ég út úr prófunum og náði ég þeim öllum og fékk mjög góðar einkunnir þó ég segi sjálf frá og er alveg meiriháttar sátt! Það ætlar því allt að ganga upp hjá mér í sumar og hlakka ég mikið til fyrir það sem koma skal.

Jæja þvílík langloka er þetta orðið hjá mér. Ég læt þetta gott heita en kem aftur með færslu fljótlega læt ekki aftur líða svona langt á milli.

Hafið það gott og eigið góða helgi eins og ég ætla mér.


» 2 hafa sagt sína skoðun

Síður: 1 2 3 ... 9
Gamalt blogg
Aðalvalmynd
Litlir bloggarar!
Misduglegir bloggarar!